Selebrasyon Jounen Entènasyonal Lang Kreyòl 2024 Washington DC
Selebrasyon Jounen Entènasyonal Kreyòl Nan Washington DC ak Maryland
Komite Avansman Lang Kreyòl (KOMALAK), ap envite tout moun nan yon bèl selebrasyon Jounen Entènasyonal Lang Kreyòl. Evènman sa a ap fèt samdi 2 novanm 2024 apati 5è nan aswè.
Aktivite yo pral gen ladan yo:
- Dikte an kreyòl
- Mizik
- Pwezi
- Aktivite pou timoun
- Prezantasyon
- Ak plis aktivite ankò
Selebrasyon an ap fèt nan Executive Office Building (EOB) Auditorium ki nan adrès sa a: 101 Monroe Street, 2yèm etaj Rockville, Maryland 20850
Gen pakin ki disponib nan garaj ki nan kwen Monroe Street, East Jefferson Street ak Fleet Street.
Selebrasyon sa a montre enpòtans kreyòl kòm yon zouti kominikasyon ak rezistans, jan yo montre sa nan tèt afich la. Li rasanble kominote kreyolofòn nan zòn Washington DC ak tout moun ki renmen lang kreyòl.
